好耐無出長文。其實真係好多開口埋口都係呢句，但又咩都唔肯做嘅人。、
『妳就好啦，妳走到，唔洗理香港啲野啦！』你以為啦。唔通人哋問我係咩國人，我話自己來自鄰國咩？
要一個人放低所有嘢離開，唔係話走就走，亦唔係見到香港越來越爛會完全無感覺㗎！！！除非你本身都唔care香港。
我好早就叫大家學外語（唔係英文，英文係香港嘅法定語言之一，識英文係基本，如果自問太爛一定要進修，英國文化協會有好多courses自己搵），學多啲手藝，發掘自己能力／發展事業，而唔係坐係度怨中國人又點點點，示威膠行然後話要走就走到。我都要靠自己儲錢交學費學文法煩過英文N倍嘅德文，要自己搵工搵屋，搞工作簽證，自己再聯絡外國朋友建立網絡，好努力咁融入社會，唔係老豆老母比錢扔我過嚟坐吓然後返香港話自己係邊度留學威威豬，亦唔係求其嫁個外國人然後完全唔諗住融入乜乜乜（我唔係話嫁娶外國人有問題，自由戀愛，絕對無問題。但的確有好多亞洲女人係咁，嫁走咗就自以為’upgrade’咗離開佢哋本身嘅窮國。香港女人唔洗做到咁，不過呢個唔係主題，所以下略，費事有人借題發揮啫）。
唔好話學外語，好多人同外國人傾計時，當聽到外國人提及香港嘅時事問題，佢哋唔會同人解釋香港嘅事，反而認中國人，而且對香港歷史完全係大中華史觀（咩鴉片嘛喪權辱國香港二百年前已係「中國」嘅契弟一說諸如此類），變相幫中國維穩，然後支咩寶比小小甜頭又真係去登記去用，仲抗咩爭？中國製品你一定避唔曬，但只係買野時反轉睇吓係咪MIC，可選擇情況吓唔買都做唔到。硬嘅做唔到大家都明，軟嘅你自己都唔肯做，然後又話：「香港死得啦，我要走啦！」，咁你想走去邊？
我過嚟之前已知一定唔係獨角獸同蝴蝶咁嘅童話世界，唔係過到嚟就升仙。有好多辛酸野我唔公開講，因為食得咸魚抵得渴，係有好辛苦嘅時間，但無必要喺度公開訴苦。同埋香港已夠墮落（比起97前），「走唔到」嘅人中其實有好多好努力抗衡嘅人，我只係唔忍心再潑冷水，負能量，你估我無？只係唔想好似個死小孩咁係唔係都出發洩post，邊個唔灰，仲洗睇呢啲？鼓勵同提議真係需要，但除咗呢啲，我哋自己想香港點先係重點。
離開香港差唔多兩年，即使我離開之前都有同大家講，
（1）如果你唔想走就唔好走，同個正苦鬥長命同做好自己，想生細路就生，要反洗腦好辛苦，但某國人唔會同你客氣狂用你資源生
（2) 但如果你個心好想走，問自己你想去邊？想走嘅原因係咩？去嘅目的地你自己去過未，有無興趣新地方嘅文化，語言，生活，傳統等？對個地方有幾多認知？唔係過到去日日食返香港嘅嘢，仲睇CCTVB膠劇聽廣東歌，我唔係話你唔可以做，我繼續煮西餐之餘都會煮吓泰菜／廣東炒飯etc，有人想喺海外保住「香港血脈」都明白。但係唔好完全一成不變咁，唔去留意自己新搬去住嘅地方嘅文化／生活／時事，唔學人哋嘅語言。咁嘅話，不如留返係香港算啦，唔好出去影衰香港。
我唔係話自己做得好好，但至少自問有心做。有人話好難乜乜乜，係呀係要時間去融入，不過做得慢好過唔做。
朋友話，香港徹底爛透，唔係朋友貼其實我真係唔係好睇到香港新聞。其實沙中線同膠鐵係「香港 • 真仆街」嘅前哨，你以為我覺得「哈哈哈，我閃咗人，你哋班香港人受啦！」咁？唔係囉，