Member-only story
我知呢個topic又一定有人鬧，但又真係唔可以唔寫。有啲長，但好快睇曬。
最近我有幫手推一啲 「BNO轉BC」嘅聯署。但其實中間經歷咗好多掙扎，先講個結論：我認為個聯署最大作用並唔係個主題，只係香港去到呢個地步，真係咩都要試，我只係希望多一個渠道將香港人權問題推返上國際，而英國始終係英中聯合聲明嘅另一方合法簽署國，所以唯有幫手推。
過去幾年發生咩大事，無論點叫人簽聯署、去英國領事館，都係小貓三四隻，個個一開始即自我歧視加潑冷水：「我哋唔係英國（白）人，英國唔會理我哋」－（咁人哋安奎拉係黑人為主英國又理佢？定係日日俾支國五毛洗腦，又唔去了解其他海外屬土歷史，所以一嘢跳去結論？）去到依家無路可退先開始多人做，但時機真係好差－呢兩年英國內部除咗過量某地區不肯融入嘅移民同罪案問題，仲有脫歐去到重要時刻，國內已經一片混亂。香港過去二十幾年已經錯過咗好多最好時機，英國而家係最無暇處理嘅時間，或者做都只能有限度做。當然亦有好想側側膊嘅政黨／人民，過咗去嘅中國人加一腳反宣傳，呢啲大家心照。只係香港真係退無死所，唔通坐以待斃？所以話只可以咩都試。
好多人推美國聯署，我亦都有幫手簽同推。我覺得呢家做到任何俾到壓力鬼國同支持外國介入嘅都應該做，因為真係無其他辦法。拉美國幫手嘅理據係：香港嘅特殊國際地位，除咗1984年英中聯合聲明，仲係因為1992年香港美國政策法而得以延續。用市井啲嘅講法，係英國托孤俾美國睇住個場。個場搞亂咗影響賺錢，而美國實力強，佢可以制衡鬼國，儲如此類。
講返轉頭。話說早幾年，當一聽到有人話要「BNO平權」，我第一件事諗到係「英國點可能比三百萬唔肯學英文，對英國無忠誠嘅「中國香港人」去英國？」點解咁講，係因為我實在見太多唔爭氣嘅香港人，在我眼中呢啲人得到英籍只會連累埋其他香港人。
講「平權」，當中好多「平權groups」都係一面倒咁鬧英國「放棄」香港人、極憎英國咁，但對香港落入中國手中嘅歷史、香港人當年對「建設民主中國」嘅幻想同埋對英國繼續對香港主權嘅冷淡同唔支持、香港人嘅英國國籍轉變、BNO前身BDTC嘅權利、當中受到中國幾多阻力而香港人自己唔出聲最後要英國妥協、其他前殖民地點樣成為英國海外屬土，又或者獨立成國後入英聯邦等，一律無概念，只係日日話英國衰，仇英程度幾乎同五毛無分別。我係英國都唔知幫唔幫你好啦。再加上啲拎住BNO甚至BC嘅香港人話自己「始終係中國人」，同外國人講自己係Chinese而唔係Hong Kongers, 甚至當中極多親中藍屍，連做過英兵嘅都奶共，但就話英國唔俾BC佢，我就覺得真係Bad idea。
係，BNO holders 或者 BC holders 當中一定有人中意英國，對英國有感情。但問心，其實好多香港人對英國嘅忠誠真係有限公司，就算上一代好多都只係懷念英治時期英國為香港帶來嘅良好管治，自由，經濟民生等好處，連God Save the…