呢個題目一講，就一定有一堆移民中介、代辦BNO嘅公司入嚟鬧，因為阻住人搵食。 我唔係叫大家唔好做，係諗吓點解要搵人代辦，同埋點解自己做唔到？真係咁難？
仲有，你係將自己嘅個人資料交晒俾第三者喎？
仲仲有，要countersign（副簽）係要自己識嘅人，俾錢搵人副簽唔對路㗎，唔好亂搞。
而且由英國駐港領事館嘅網站到民間都有不少中英文教學、數之不盡嘅影片，只要花小小時間去睇，跟住步驟逐step做，其實好容易。
如果話英文差到連張form都唔得，你攞住張「英國」護照去旅行，過關時英文小小都無，我係關員一定懷疑你張係假護照，更莫講話移民：離開咗香港，好多嘢你要自己搞，你連第一步都搞唔掂，之後只會更多麻煩同抱怨，然後又話英國咩唔好。
退一萬步，你真係填唔掂張form，都可以自己查字典、問人。當係練習囉。
英文已經算係一個比較容易學嘅歐洲語言（對香港人而言），而且香港人由自學到大，英文都唔識少少點生存？（你可以去加拿大嘅，加拿大有好多港人同華人社區，唔識英文都生存到，但唔係英國…)
都唔講去人哋方唔學人哋語言同蝗有咩分別嘅問題。唔駛去到好好，都要有基本程度生活到呀。
仲有一件事，好多人見有FB post講BNO就留言，問啲自己可以輕易google到嘅問題，又係所謂嘅「伸手黨」。
我發覺自從有FB後，因為留言方便，多咗好多伸手黨。
人哋無時間或未答就留言多十次，狂PM，但一句唔該都無。
呢啲出到外國影衰香港呀。無禮貌喺邊個國家都唔受歡迎。
呢度寫幾個基本到不得了，但好多人問嘅FAQs:
問：1997年前出世，但無申請過BNO可唔可以依家申請BNO?
答：無。1997前無申請過就蘇州過後無艇搭….
問：1997年後出世，父母有BNO，可唔可以依家申請BNO?
答：唔可以。BNO係英國六種護照之一，唔同BC (British Citizens) passport, 因為歷史BNO無世襲權。
問：副簽（Countersign）可以搵咩人？
答：申請者認識 2 年或以上的專業人士。呢位仁兄係：…